ലോക് സഭാ തിരഞ്ഞെടുപ്പ് സമയക്രമം

2024ലെ ലോക്‌സഭാ തിരഞ്ഞെടുപ്പും ഒഡീഷ, സിക്കിം, അരുണാചൽ പ്രദേശ്, ആന്ധ്രാപ്രദേശ് എന്നീ സംസ്ഥാനങ്ങളിലെ നിയമസഭാ തിരഞ്ഞെടുപ്പുകളുടേയും സമയക്രമം തിരഞ്ഞെടുപ്പ് കമ്മീഷൻ ശനിയാഴ്ച (മാർച്ച് 16) പ്രഖ്യാപിച്ചു.ഏപ്രിൽ 19 മുതൽ ജൂൺ 1 വരെ ഏഴ് ഘട്ടങ്ങളിലായി നടക്കുന്ന ലോക്‌സഭാ തിരഞ്ഞെടുപ്പിൽ 543 മണ്ഡലങ്ങളിൽ നിന്നുള്ള പ്രതിനിധികളെ തിരഞ്ഞെടുക്കാനുള്ള വോട്ടിങ് നടക്കും. ആദ്യ ഘട്ടം ഏപ്രിൽ 19-നും രണ്ടാം ഘട്ടം ഏപ്രിൽ 26-നും മൂന്നാം ഘട്ടം മെയ് 7-നും നാലാം ഘട്ടം മെയ് 13-നും അഞ്ചാം ഘട്ടം മെയ് 20-നും ആറാം ഘട്ടം മെയ് 25-നും ഏഴാം ഘട്ടം ജൂൺ ഒന്നിനും നടക്കും. വോട്ടെണ്ണൽ ജൂൺ നാലിന്.